Poslovne vijesti - Makedonija

Потврдени две нови инвестиции во ТИРЗ Скопје 1

На 71 владина седница потврдени се уште две странски инвестици од вкупно 13 кои беа најавени за годинава. Станува збор за компниите „Балканлар пластик“ и „Зенит“.

Како што соопшти Владината прес-служба, министрите во Владата на денешната седница донесоа одлука за определување на периодот на закуп на градежното земјиште во ТИРЗ Скопје 1 и за висината на закупнината со Друштвото за производство, трговија и услуги Балканлар пластик увоз – извоз Скопје, како закупец на земјиште. Сопственото учество на компанијата во оваа инвестиција изнесува 8 милиони евра, и предвидува 80 вработувања.

Владата донесе Одлука за давање согласност на Договорот за долготраен закуп на градежно земјиште и со Друштвото за производство, трговија и услуги „Зенит“ Интернационал ДООЕЛ Скопје, како закупец на земјиште, и одлуки за определување на периодот на закуп и за висината за закупнината на градежното земјиште во ТИРЗ Скопје 1. Овој договор за државна помош за една странска инвестиција е 13-ти по ред за една година и вреди 3 милиони евра.

Донесена е и одлука за давање согласност на Договорот за доделување на државна помош на Друштвото за производство, трговија и услуги БАУМЕР ДООЕЛ Скопје, кое ќе произведува софистицирана мерна опрема и која, како дел од својата инвестиција ќе организира развојно истражувачки центар.