Poslovne vijesti - Makedonija

Невработени 20 доктори и 399 магистри

Во земјава, според Агенцијата за вработување, во јуни се регистрирани 311.374 невработени лица, што во споредба со претходниот месец е помалку за 4.098, а во однос на јуни минатата година бројката е помала за 19.182.

Најмногу од невработените, како што покажуваат податоците на Агенцијата, се во Скопје 68.587, потоа следуваат Тетово со 27.950, Куманово со 25.597, Прилеп со 21.714...

Според возраста, најмногу на листата на невработени се лица од 20 до 24 години. На оваа возраст работа бараат 35.291 лице. Меѓу невработените, според образованието, најмногу 151.971 лице се нискоквалификувани. Во Агенцијата како невработени се евидентирани и 20 доктори на науки и 399 магистри.