Poljoprivreda - Makedonija

10 денари за „смедеревка“ и 12 денари за „вранец“

По два и пол часа преговори, постигнат е договор откупната цена за „смедеревка“ да изнесува 10 денари и 12 денари за „вранец“. На сите лозари што предале грозје под овие цени разликата ќе им биде надоместена од страна на винарниците.

Корекцијата на цените ќе стапи во сила веднаш, уште од вечерва. Исто така, министерот Хоџа го реафирмира ставот дека ќе продолжи дополнителната мерка од 2 денара директно за лозарите.

„Откупот ќе продолжи да тече непречено. Очекуваме за една недела да имаме поголем откуп, со што ќе се направи првичен пресек на откупените количини“, велат од Министерството.

Оттаму додаваат дека министерот во договор со винарниците ветил дека ќе се откупи целата количина произведено грозје и нема да остане ниту еден килограм неоткупен.