Turizam - Makedonija

Државата ќе дава субвенции на хотелите

Согласно овие измени, Владата, преку Министерството за економија, со цел поддршка на домашните хотели и надминување на ефектите од корона-кризата, а со цел ревитализацијата и закрепнување на економијата во земјата, ќе кофинансира трошоци за организирање настани, обуки, семинари и конференции до 50 проценти од трошоците, но не повеќе од 30.000 денари.

„Настаните, обуките, семинарите и конференциите треба да бидат организирани во категоризирани угостителски објекти во Република Северна Македонија. За оваа цел, Министерството за економија ќе објави јавен повик за доделување  субвенции за кофинансирање на трошоците за организирање настани, обуки, семинари, и конференции на кој право на учество имаат сите заинтересирани правни лица, фондации и здружениjа на граѓани, кои ги исполнуваат условите што ќе се предвидат во јавниот повик“, соопштија од Владата.

Јавниот повик ќе се објави во два дневни весници и веб-страницата на Министерството за економија www.economy.gov.mk и www.konkurentnost.mk.